КАРА-СУУДА МЕКТЕПТИК МЕДИА БУРЧТАР АЧЫЛАТ

12-май күнү Кара-Суу райондук билим берүү бөлүмү тарабынан медиасабаттуулук боюнча семинар уюштурулуп, ага райондогу 140ка чукул мектептин медиа сабаттуулук жана мектептик медиа бурч боюнча жооптуу мугалимдери катышты. 

«МедиаСабак» фондунун Түштүк боюнча координатору Кара-Суудагы мугалимдерге төмөнкү багыттар боюнча презентация жасап, өз тажрыйбаларын бөлүштү:

• Медиа жана маалыматтык сабаттуулук деген эмне?
• Мектептик медиа бурчту/борборду уюштуруунун усулдары;
• Мобилография;
• Мектеп жаңылыгын чагылтыруу (текст/хештег);
• Мектептик медиа бурчтун/борбордун жылдык пландары.

Соңунда семинарга активдүү катышкандарга «МедиаСабак» фонду тарабынан чыгарылган усулдук колдонмолорду белек катары берилип, фонд тарабынан жарыяланып жаткан түрдүү сынактар тууралуу да кошумча маалыматтар айтылды.