Ар бир ой жана идея маанилүү. Айрыкча, жалпы көйгөйлөрдү чечүү жолдорун издөө жөнүндө сөз болгондо. Сөз эркиндиги демократиянын процесси жана иштешинин бир бөлүгү болуп саналат. Бул идеялардын эркин агымына өбөлгө түзөт. Демократиялык коомдо жалпы маалымат каражаттары жана жалпы эле медиа индустриясы коомдук пикирди калыптандырууда чоң ролун ойнойт. Алардын көзкарандысыздыгы билимге жана маалыматтарга жетүү укугу менен тыгыз байланыштуу. Андай мүмкүнчүлүк болбосо, мамлекеттер акыры аксап калат. Бул бизге ишенимдүү маалымат табууга мүмкүндүк берет жана узак мөөнөттөгү социалдык, саясий жана экономикалык туруктуулукка өбөлгө түзөт.

Биздин миссия - тең укуктуу жана мүмкүнчүлүктөргө ээ эркин, демократиялык жана өнүккөн коомду түзүүгө жардам берүү. Биз медиа маалыматтык сабаттуулукту жогорулатууга салым кошкон долбоорлорду аткарабыз, окуп жана окутуп аткандар үчүн билим бөлүшүү жөндөмдөрүн кеңейтүүгө умтулабыз

Коомду жана маданиятты маалыматташтыруунун глобалдык процесси аркасында айлана-чөйрө мультимедияга айланат. Глобалдашуу билим берүү келечегине таасирин тийгизип, ар бирибиздин алдыбызга жаңы милдеттерди койду. Маалыматтык-коммуникациялык технологиялар жаатындагы компетенттүүлүккө талаптар жогорулоодо. Ошол эле учурда, бул билим жана көндүмдөр таанып билүү жана чыгармачыл потенциалды колдойт. Бүгүнкү күндө, өз укугуңузду коргой алыш үчүн, медиа мейкиндигинде эркин жүрүшүңүз керек. Биз коопсуздук, таануу жана ээлеп алуу кубанычын камсыз кылган коомдун баалуулуктарын өнүктүрүүгө умтулабыз. Дал ушундай коомдо адамдын кадыр-баркын жана өзүн-өзү сыйлоо сезими маданий, жыныстык жана башка айырмачылыктарга карабастан өнүгөт.